Нарӑс уйӑхӗн 28-мӗшӗнче Театр ҫулталӑкне тата чӑваш халӑхне ҫутта кӑларассишӗн пӗтӗм пурнӑҫне хывнӑ чӑваш улӑпне И.Я. Яковлева халалласа шкулта «Улӑп паттӑр» ятпа мероприяти иртрӗ. Ӑна чӑваш чӗлхипе литератури вӗрентекен Тарасова Л.Н. ертсе пычӗ.

Ачасем пурте шкулӑн ҫутӑ залне хавас кӑмӑлпа пуҫтарӑнчӗҫ. 8-10 класра вӗренекенсем сӑвӑ йӗркисене пӑхмасар вуларӗҫ, И.Я. Яковлев тӑван халӑхшӑн нумай ыр ӗҫ тунӑ самантсене чуна пырса тивмелле выляса кӑтартрӗҫ. Унӑн ятне ырӑпа асӑнса, пархатарлӑ ӗҫӗсемшӗн тав туса илемлӗ юрӑсем шӑрантарчӗҫ. «Малашне те И.Я. Яковлев ятне чӗрере упрасчӗ»,- тесе пӗтӗмлетрӗҫ ҫак уява хутшӑнакансем.