Паян, ака уйӑхӗн 24-мӗшӗнче, Шурут вӑтам шкулӗнче шкул ачисем, вӗрентекенсем, ашшӗ- амӑшӗсем, культура  ӗҫченӗсем йӑлана кӗнӗ «Пӗтӗм чӑваш диктанчӗ-2024» акцие хутшӑнчӗҫ. Ӑна Раҫҫей  Федерацийӗн Ҫемье ҫулталӑкне, Чӑваш Республикин Экологи культурипе ҫут ҫанталӑка перекетлес ҫулталӑкне тата Чӑваш чӗлхи кунне халалланӑ. Акцин тӗллевӗ- чӑваш чӗлхин пӗлтерӗшне, сумӗпе хисепне ӳстересси.      Палӑртнинчен чылай ытларах ҫын диктант ҫырни савӑнтарчӗ. Пурӗ 25 ҫын хутшӑнма кӑмӑл турӗ. Вӗсем хӑйсен пӗлӗвне чӑвашла йӑнӑшсӑр ҫырассине тӗрӗслерӗҫ. Малалла та чӑваш халӑхӗ хастар пуласса шанатпӑр.